Sunday, June 23, 2019

ජපනුන්ට වඩා හපන් අපි


උඩු ගුවනට  ලංකාවේ නම අරගෙන ගිය රාවන් 1 චන්දිකාව ගැන ආඩම්බර වෙන මෙහොතක ඊටත් වඩා ආඩම්බර වෙන්න පුලුවන් වැඩක් ඔන්න අපිත් සිද්ද කලා. ඒ ජපානය වෙනුවෙන් ලංකාවේ නිපදවු ගැඹුරු මුහුදේ කේබල් ඇතිරිමේ අධිතාක්ෂනික නෞකාව  KDDI Cable Infinity  සුබ මොහොතින් එහි ඇනවුම ලබාදුන් ජපානයේ කොකුසායි කෝබල් නැව් සමාගමට (Kokusai Cable Ship Company Ltd) භාරදුන්නා.



CLV/KDDI Cable Infinity


 මේ නෞකාව නිපදවිමේ මුලින්ම වැඩ ඇරඹිම ගැනත් ජපන්නුන්ට අපෙන් නැවක් ලිපියෙන් කොළොම්පුරේ ලොවටම කිව්වා ඔයාලටත් මතක ඇතිනේ.  මේ නෞකාව තමයි ලංකාවේ මෙතෙක් නිපදවු වීශාලතම නෞකාව. නැව් හැදිල්ල කරන්න ලංකාවේ කොළොම්පුරේ ඉන්නා එකම එක්කෙනා තමයි කොළඹ නැව්තටාකාංගණය නැත්නම් කවුරුත් දන්නා නම ඩොක් යාර්ඩ් එක. මේක තමයි එයාලා හදපු  243 වෙනි නෞකාව. මේ වැඩෙත් එසේ මෙසේ ලේසි පාසු වැඩක් නොවෙයි. අපේ ලංකාවේ සේවකයින්ගේ දහදිය  මහන්සියේ ප‍්‍රතිඵලයක් ලෙසින් එලිදකින මේ නෞකාවේ දිග මිටර් 113 ක් හා  මිටර් 21.5 ක පළලකින් යුක්තයි. මෙහි කාර්්‍යමන්ඩලය ඇතුලුව පුද්ගලයින් 80 කුට ගමන්කරන්නටත් පුළුවනි. 

KDDI Cable Infinity


       දැන් කවුරු හරි අහන්නත් පුලුවන් මොකක්ද මේ කේබල් ඇතිරිමේ නෞකාවකින් ඇති ප‍්‍රයෝජනේ කියලා?  මොකක්ද මේ ගැඹුරු මුහුදේ කේබල් ඇතිරිම කියන්නේ කියලා මුලින්ම බලමු. මේ කේබල් හරහා තමයි අපගේ විදුලි සංදේශ කි‍්‍රයාවලින් ඒ කියන්නේ රටකින් රටකට පනිවිඩ හුවමාරුව දුරකථන ඇමතුම් වාගේම  අන්තර්ජාලය එහෙමත් සම්බන්ධවන්නේ. 


කේබලයක ඇතුලත පෙනුමක්

මේ කේබල් අතුරන නෞකාවලින් සිදුකරන කාර්්‍යක් තමයි කාලෙන් කාලෙට අලුතින් ගැඹුරු මුහුදේ කේබල් අතුරන්නත් අතුරා තිබෙන කේබල් රුහැන් වල අලුත්වැඩියාවන් එහෙම කිරිමත් තමයි. මෙහෙම ලේසියෙන් කිව්වාට මේ වැඩේ එහෙම කියන තරම් ලේසි පහසු වැඩක් නොවේ. මුහුද පතුල හොදහැටි සිතියම් ගතකරලා නියමිත මාර්ගයක් ඔස්සේ තමයි රැහැන් එලන්නේ. ඔය හිතෙන හිතෙන තැන් වලින් කේබල් එලන්න බෑ. මේ කේබල් රැහැන් පද්ධතිය එලා ඇති මාර්ග සිතියම් ගතකර ඇති අතර නැව් වල ප‍්‍රයෝජනයට ගන්නා මුහුදු සිතියම් වල ඒවා දැක්වෙනවා. එක් වරක් අපේ ලංකාවටත් අන්තර්ජාල සම්බන්ධතාවය  නැතිවුනේ නැවක නැංගුරමකින් සිදුවු අනතුරකින් රැහැනක් කැඩිම නිසයි. නැව් වල නැංගුරම් හා ධිවර බොට්ටුවල මාලු දැල් වලින් ආරක්ෂා වෙන්න මේ රැහැන් මුහුදු පත්ල හාරා එහි ගිල්විම තමයි දැන් සිදුවෙන්නේ.

ඒ කාලේ යුරෝපයේ සිට ඇමෙරිකාව දක්වා පනිවුඩ හුවමාරුව සිද්ධවුනේ නැව් මාර්ගයෙන් තමයි. සීත කාලගුණයත්  කුණාටු සහිත විමත් නිසා සමහර පනිවුඩ ලැබෙන්න සති කිහිපයක් බලා ගෙන සිටින්නටත් වුනා. මේකට පිලියමක් ලෙසින් තමයි කේබල් රැහැනක් මුහුද යටින් එලන්නට තිරණය කලේ. ලොව පලමු විදුලි සංදේශ රැහැන් පද්ධතිය එලිම සිදුකලේ යුරෝපයේ සිට උතුරු ඇමරිකාව දක්වායි. 1958 දි අත්ලාන්තික් සාගරය හරහා එස් එස් ගේ‍්‍රට් ඊස්ටන් 
(SS Great Eastern) නෞකාව මගින් අයර්ලන්තයේ වැලෙන්සියා දුපතේ (Valentia Island) සිට උතුරු ඇමරිකාවේ නිව්ෆවුන්ඩ්ලන්තය  (Newfoundland) දක්වා මේ කේබල් රැහැන එලිම සිදුකලා. කේබල් රැහැන් ඔස්සේ 1958 අගෝස්තු 16 වන දින රටවල් දෙකක් අතර පලමු පනිවිඩ හුවමාරුව සිදුකරගත්තායි කියවෙනවා.  
වැලෙන්සියා දුපතේ සිට නිව්ෆවුන්ඩ් ලන්තය දක්වා කේබලය අතුරා ඇති අයුරු

එස් එස් ගේ‍්‍රට් ඊස්ටන්  (SS Great Eastern) නෞකාව
ලොව පුරා කේබල් රැහැන් එලා ඇති අයුරු


ඉතිං මෙයටත් වඩා ලොකු නැව් හැදිලා කොළොම්පුරෙන් එලියට  ඇවිල්ලා මුලු ලෝකයේ සප්ත මහා සාගරයම දික්විජය කරමින් අපේ රටේ නමත් ඩොක් යාර්ඩ් එකේ න
ත් ඉදිරියට  ගෙනියන්නටත් හැකියාව ලැබේවා කියලා පතනවා.


Principal particulars of the cable Laying Vessel (KDDI Cable Infinity)

Length Overall                         - 113 m

Breadth mld                             - 25.8 m

Depth                                       - 8.8 m
Draft                                        - 7.1 m
Fuel oil                                    - 1400 m3
Fresh water                              - 600 m3
Water Ballast                           - 2500 m3
Crew                                        - 80 Persons
Speed                                       - 14.6 Knots
Dead weight                              - 5300dwt
Main Generators                      - 4 x YANMAR each engine developing 2450 kw
Propulsion                               - 2 x 2500 kw KAWASAKI machinery
Cable Laying Equipment         - 2000T Carousel System with arm by MAATS.UK
Classification                           - ClassNK/ Japanese Government surveys   

එහෙනම් පින්තූර ටිකක් එහෙම බලලා ඉමුකෝ 

KDDI Cable Infinity වැඩ නිමවෙමින්

 
KDDI Cable Infinity නෞකාව දියත් කරන දින (Launching)
  
උත්සවාකාරයෙන් KDDI Cable Infinityනෞකාව දියත් කිරිමට කිරි කලය බිදිම 

KDDI Cable Infinity ජපානය බලා පිටත්විමට පෙර


KDDI Cable Infinity එන්ජින් කාමරයේ දර්ශණයක්


සාඩම්බර ඩොක්යාඩ් නිෂ්පාදනයක් බවට සහතිකය.

KDDI Cable Infinity


KDDI Cable Infinity ඇතුලත දර්ශණයක්



ඇතුලත දර්ශණයක්

Wheel House


Wheel House

11 comments:

  1. දැකුම්කලු, සිත්කලු තොරතුරක් කියන පෝස්ට් එකක්! අසංග, රටක් විදියට අපටත් ආඩම්බර වෙතහැකි!

    ReplyDelete
  2. ආඩම්බරයි අයියේ ❤️❤️

    ReplyDelete
    Replies
    1. ගොඩබිම වේගා
      අහසේ රාවන්
      මුහුදෙන් නැව්

      ආඩම්බරයි නේද?

      Delete
    2. පාර්ලිමේන්තුවට?

      Delete
    3. අපොයි ඔව් අපිව පාලනය කරන්න 225 ක් අම්බරුවන් රැලක් දියවන්නාවේ මඩගොහොරුවට යවපු එක ගැන නම් ලොකු ආඩම්බරයක් තියේනවා.....

      Delete
  3. මෙම නෞකාවල බඳ පමණයි නේද ශ්‍රී ලංකාවේ කොළඹ තටාගනයේ සාදනු ලබන්නේ? ඒ කියන්නේ පෑස්සුම් කටයුතු තමයි ශ්‍රී ලංකික කම්කරුවන් කරන්නේ. අනෙකුත් උපාංග විදෙස් රටවලින් ගෙන්වා සවිකිරීමයි සිදුකරන්නේ.

    ReplyDelete
    Replies
    1. ඔව් ඇත්තෙන්ම ලැජ්ජාවිය යුතු කාරනාවක් තමයි අපේ රටේ ඉදිකට්ටකවත් නිපදවන්න උනන්දුවක් නැතිකම ගැන. ඇනවුම් කරන්නාගේ අවශ්‍යතාවයන් අනුව තමයි උපාංග යොදන්නේ. ඔවුන් ඉල්ලන යන්ත‍්‍රසුත‍්‍ර, එන්ජින්, ජෙනරේටර්, පොම්ප හා මොටර් වර්ග සවිකරන්නේ. අපේ රටේ මේවා සියල්ල නිෂ්පානය කරනවා කියලා හිතමුකෝ එත් ඇනවුම් කරන්නා ඉල්ලන්නේ ජපානයේ හෝ ජර්මනියේ නිපදවන තත්වයෙන් උසස් නැති එකක් නම් කරන්න දෙයක් නෑ සපයනවා මිසක්. හැබැයි ඇනවුම් කරන්නන් කවදාකවත් තත්වයෙන් බාල බඩු අරගන්නේ නෑ. අපේ රටේ අප්පුහාමිලා ඇරෙන්න. උදාහරණය දෙකක් දෙන්නම් ඉස්සර ලංකා නැව් සංස්ථාවට නැව් අරගෙන තියෙන්නේ තත්වයෙන් ඉතාම බාල යන්ත‍්‍රසුත‍්‍ර යොදලා. ඒ නිසා ඉක්මනින් ඒ නැව් අබලන් තත්වයට පත්වුනා කියලා අහලා තියෙනවා. අනෙක මීට අවුරුදු ගණනකට පෙර ත‍්‍රස්තවාදි යුද සමයේ ඉන්දියාවෙන් ඇනවුම් කල වෙඩි නොවදින බොඩි ආමර් ජැකට් සියල්ලටම වෙඩි වැදිම වාගේ කාරණා.... තව උදාහරණ ඔනෑ තරම් දෙන්න ඇහැකියි.
      නවත් කාරණාවක් කියන්න ඔනෑ ජපනා අගය කරන්නේ ඉල්ලන්නේ තමන්ගේ රටේ නිපදවු ජපන් භාන්ඩ. එත් අපේ රටේ අප්පුහාමිලාට මෙඩ් ඉන් සිරි ලංකා කිව්වොත් මුණ ඇඹුල් වෙනවා. අපේ රටේ බඩු තත්වයෙන් බාල බව ගොඩාක් දෙනාගේ තියෙන කැතම කැත ජරාම ජරා මතයක්.
      ස්තුතියි ඔබගේ අදහස් දැක්විමට

      Delete
  4. ශ්‍රීලංකා නම ලෝකයට ගෙනියන්න අපේ අය දරණ මහන්සිය උපරිමේ අගය කරන්න ඕනේ .

    හැමදාම වගේ තවත් වැදගත් ලිපියක් , බොහොම ස්තුතී අසංග අයියේ .

    ReplyDelete
    Replies
    1. අදහස් දැක්විමට බොහෝමත්ම ස්තූතියි කලණ

      Delete
  5. සෙල්ලන් නෑ නේ ... නැවට එහා ගිහින් ඒකෙ වැදගත්කම සහ ඉතිහාසය බොහොම අපූරුවට ලියල තියෙන්නෙ .. ඔහොම යමං !

    ReplyDelete

අදහස් මෙතන නිදහස් කරන්න

ජනේලයෙන් බලන්නට සිදුවු වල්ඩ් කප් එක හා එන්ජින් කාමරයෙන් ආ හොල්මන .- සයුරේ දසවසක් - 13

               1999 වසරේ ක‍්‍රිකට් ලෝක කුසලාන තරගාවලිය පැවත්වුයේ එංගලන්තයේදිය. වසර විස්සකට පසුව මෙවර ලෝක කුසලාන තරගාවලියත් එංගලන්තයේදිම යලි...